Share on facebook
Share on twitter
Share on pinterest

دانا أيمن

Share on facebook
Share on twitter
Share on pinterest

انا عندى 22 سنه و خريجه تربيه نوعيه قسم اعلام عملت الجروب و انا عندى 21 سنه
بحب المطبخ جدااا من و انا فى اعدادى عمرى ما زهقت من الوقفه فى المطبخ بحب اعمل اكل لاى حد بحبه و كنت دايما اعملهم اكل فى البيت و طول عمرى بحلم انى اعمل مطعم كنت فى الكليه بعمل لاصحابى الاكل اللى بيحبوه
و لما نتجمع عند اصحابى اعملهم انا الاكل و يعجبهم لحد ما فى مره بحكلهم ان بابا عايز يفتح مشروع افتكر كلام بنت اسمها منه التطاوى و هى بتقولى ان المشروعين اللى ينجحو الاكل و الدكاتره بدال انا بعرف اعمل اكل اقترحت عليه كافيه كاستسمار يعنى و قاعدين و بقولهم فاقترحوا عليا اعمل الاكل اللى بعمله اون لاين اجرب اشوف الموضوع هينجح و لا لا و فعلا عملت جروب و كل اللى حواليا شجعونى جداا و بالذات اصحابى المقربين و اهلى و كلهم وقفو جمبى و ساعدونى جداا ⁦♥️⁩ بدات براس مال 200 جنيه بس و مكنتش عارفه ابدا ازاى و لا اعمل ايه لحد ما اتطلب منى اول اوردر و جالى اول Feedback ان الاكل عجبهم جدا مكنتش مصدقه و قعدت اقول للى طلبت الاوردر احلفى لحد ما لقيت الجروب بيكبر و ناس كتير بتتصل بيا لحد ما عملت اول ديش بارتى و كانت لكليه هندسه فرحت جدا عملته لواحدى فى يومين و بعديها بفتره كليه طب كلمونى عايزين اعملهم ديش بارتى 275 فرد قلت اكيد مش هقدر بس لقيتنى بعمل كل ده و انا لواحدى و الحمد لله الاكل عجبهم فرحت اوى و صدقت ان ربنا حط جوه كل حد فيا موهبه يقدر يكبر فيها و يكبرها ⁦كل واحده تدور على الموهبه اللى جواها ممكن تكون بعيد عن دراستها مجرد ما تلاقيها بس هتعرف تكبرها كل واحده جواه طاقه لحاجه معيه مجرد ما يكتشفها هيعرف يكبر فيها جداا دورو على الحلو اللى جواكم  ⁦

نشرة أخبار هيرجيرس

كوني علي دارية تامة بكل جديد

اقرأ ايضًا